یعنی دس چیزیں سنت قدیم انبیاء عظام علیہم الصلوٰۃ والسلام کی ہیں ان سے مونچھیں کم کرانا اور داڑھی حد شرع تك چھوڑدین

(اس کو مسلم نے روایت کیا)

: شیخ عبدالحق محدث دہلوی رحمہ ﷲ تعالٰی شرح میں فرماتے ہیں

حلق کردن لحیہ حرام ست وروش افرنج وہنود وجوالقیان کہ ایشاں راقلندریہ نیز گویند وگزاشتن آں بقدر قبضہ واجب ست وآں کہ آنرا سنت گویند بمعنی طریقہ مسلوك دردین ست یا بجہت آنکہ ثبوت آں بہ سنت ست چنانکہ نماز عیدرا سنت گفتہ اند

داڑھی منڈانا حرام ہے،یہ افرنگیوں،ہندؤوں اور جوالقیوں کا طریقہ ہے جو قلندریہ بھی کہلاتے ہیں۔اور داڑھی بمقدار ایك مٹھی چھوڑنا واجب ہے اور داڑھی کے متعلق جو کہا جاتاہے کہ یہ سنت ہے تو اس کا مفہوم یہ ہے کہ وہ دین میں ایك جاری طریقہ ہے یا یہ وجہ ہے کہ اس کا ثبوت سنت کے ساتھ ہے جیسا کہ نماز عید کو سنت کہتے ہیں۔
 (فتاویٰ رضویہ ج 22 ص 582)

 اس تفصیل سے معلوم ہوا کہ ایک مشت سے کم داڑھی کاٹنا حرام و فسق ہے اور فاسق کی اذان کا اعادہ کیا جائے گا

صدر الشریعہ علیہ الرحمہ فرماتے ہیں

خنثیٰ و فاسِق اگرچہ عالِم ہی ہو اور نشہ والے اور پاگل اور نا سمجھ بچّے اور جنب کی اَذان مکروہ ہے، ان سب کی اَذان کا اعادہ کیا جائے۔

 (بہار شریعت ج 1 ح 3 اذان کا بیان مسئلہ نمبر 15)
 لیکن اقامت کا اعادہ نہیں کیا جائے گا کہ اس میں تکرار نہیں ہے 

واللہ ورسولہ اعلم بالصواب