Urdu Sawalo Jawab اسلامی سوال و جواب/مصباحی مشن This site contains islamic information, taharat ke msail, namaz ka bayan, islami maloomat, Salat, Ramadan, hajj ka tarika, umra kaise karen, qrbani, etikaf, reading quran, tauba wa isteghfar, islamic names, sadqae fitr, nikah ka tarika, Hifze Namoose Risalat, اسلامی سوال و جواب، مصباحی مشن Islami sawalo jawab، misbahi mission
سوال
السلام علیکم ورحمۃاللہ وبرکاتہ
کیا فرماتے ہیں علمائے کرام اس مسئلہ کے بارے میں کہ سفید کے علاوہ دوسرے رنگ کا کفن دینا کیسا ہے؟ جواب عنایت فرمائیں عین نوازش ہوگی
سائل :محمد عثمان بریلی شریف
جواب
وعلیکم السلام ورحمۃ اللہ وبرکاتہ
الجواب بعون الملک الوہاب
سفید کفن دینا بہتر ہے لیکن اگر سفید کپڑا میسر نہ ہو تو دوسرے رنگ کا بھی کفن دیا جا سکتا ہے۔
البتہ پاک و صاف عمدہ اور بہتر ہو کہ مردے آپس میں ایک دوسرے سے ملاقات کرتے ہیں اور اچھے کفن کو دیکھ کر خوش ہوتے ہیں۔
بہار شریعت میں ہے کہ
کفن اچھا ہونا چاہیے یعنی مرد عیدین و جمعہ کے لیے جیسے کپڑے پہنتا تھا اور عورت جیسے کپڑے پہن کر میکے جاتی تھی اُس قیمت کا ہونا چاہیے۔
حدیث میں ہے مُردوں کو اچھا کفن دو کہ وہ باہم ملاقات کرتے اور اچھے کفن سے تفاخر کرتے یعنی خوش ہوتے ہیں ، سفید کفن بہتر ہے۔ کہ
نبی صلی ﷲ تعالیٰ علیہ وسلم نے فرمایا: ’’اپنے مُردے سفید کپڑوں میں کفناؤ۔‘‘ مزید اسی میں ہے کہ ”کسم یا زعفران کا رنگا ہوا یا ریشم کا کفن مرد کو ممنوع ہے اور عورت کے لیے جائز یعنی جو کپڑا زندگی میں پہن سکتا ہے، اُس کا کفن دیا جا سکتا ہے اور جو زندگی میں ناجائز، اُس کا کفن بھی ناجائز۔
(ح ٤ ص۸۲۳/ مسئلہ نمبر۶/۵/ مکتبۃ المدینہ دعوت اسلامی)
واللہ تعالٰی اعلم
محمد قمر الدین قادری
گینا پور ،بہرائچ شریف یوپی انڈیا
