Urdu Sawalo Jawab اسلامی سوال و جواب/مصباحی مشن This site contains islamic information, taharat ke msail, namaz ka bayan, islami maloomat, Salat, Ramadan, hajj ka tarika, umra kaise karen, qrbani, etikaf, reading quran, tauba wa isteghfar, islamic names, sadqae fitr, nikah ka tarika, Hifze Namoose Risalat, اسلامی سوال و جواب، مصباحی مشن Islami sawalo jawab، misbahi mission
سوال
السلام علیکم ورحمۃ اللہ وبرکاتہ
بعد سلام کے عرض ہے کہ جو چیزیں اللہ تبارک وتعالیٰ نے حلال کی ہیں اگر کوئی شخص ان چیزوں کو اپنے اوپر حرام کہے مثلاً زید کہے کہ میرے لئے گائے بکری اونٹ کا گوشت حرام ہے تو کیا حکم ہے
جواب عنایت فرمائیں آپکی عین نوازش ہوگی
جواب عنایت فرمائیں آپکی عین نوازش ہوگی
سائل :محمد عثمان مصباحی بریلی شریف
جواب
وعليكم السلام ورحمۃ اللہ و برکاتہ
کسی کے اپنے اوپر حرام کو حلال یا حلال کو حرام کہہ دینے سے حلال چیز حرام یا حرام چیز حلال نہیں ہوتی
حدیث شریف میں ہے الحلال ما احل الله في کتابه والحرام ما حرم الله في کتابه البتہ ایسے شخص پر کفارہ لازم ہوگا کہ یہ بھی قسم کی ایک صورت ہے
بہار شریعت ج ۲ ح ۹ ص ۳۰۲ پر ہے
جو شخص کسی چیز کو اپنے اوپر حرام کرے مثلاً کہے کہ فلاں چیز مجھ پر حرام ہے تو اس کہدینے سے وہ شے حرام نہیں ہوگی کہ اللہ (عزوجل) نے جس چیز کو حلال کیا اسے کون حرام کرسکے مگر اس کے برتنے سے کفارہ لازم آئیگا یعنی یہ بھی قسم ہے
واللہ ورسولہ اعلم بالصواب
فقیر محمد اشفاق عطاری
متعلم :جامعۃ المدینہ فیضان عطار نیپال گنج نیپال
