وَ الْمُطَلَّقٰتُ یَتَرَبَّصْنَ بِاَنْفُسِهِنَّ ثَلٰثَةَ قُرُوْٓءٍؕ-وَ لَا یَحِلُّ لَهُنَّ اَنْ یَّكْتُمْنَ مَا خَلَقَ اللّٰهُ فِیْۤ اَرْحَامِهِنَّ اِنْ كُنَّ یُؤْمِنَّ بِاللّٰهِ وَ الْیَوْمِ الْاٰخِرِؕ

(سورہ بقرہ، الآیۃ ٢٢٨)

ترجمہ

 طلاق والیاں اپنے کو تین حیض تک روکے رہیں اور اُنھیں یہ حلال نہیں کہ جو کچھ خدا نے ان کے پیٹوں میں پیدا کیا اُسے چھپائیں ، اگر وہ اللہ (عزوجل) اور قیامت کے دن پر ایمان رکھتی ہوں۔

 اس آیت کریمہ میں مطلقہ کا لفظ ہے یعنی طلاق کے بعد عدت گزارنا ضروری ہے

:صدر الشریعہ علیہ الرحمہ فرماتے ہیں
 نکاح زائل ہونے یا شبہۂ نکاح کے بعد عورت کا نکاح سے ممنوع ہونا اور ایک زمانہ تک انتظار کرنا عدت ہے
(بہار شریعت ج ٢ ح ٨)

لہٰذا اس تفصیل سے معلوم ہوا کہ نکاح زائل ہونے کے بعد عدت گزارنا ضروری ہے زوال نکاح سے پہلے زوجین خواہ چاہے جتنا عرصہ الگ رہے ہوں اس کا اعتبار نہیں۔

واللہ ورسولہ اعلم بالصواب

محمد ذیشان رضا مصباحی

لکھیم پور کھیری یوپی