چچا کا رضاعی بھتیجی سے نکاح کرنا کیسا ہے؟

سوال

السلام علیکم و رحمۃ اللہ وبرکاتہ

 کیا فرماتے ہیں علمائے کرام و مفتیان عظام اس مسئلہ میں کہ زید نے ہندہ کی دادی کا دودھ پیا ہے اور اب زید ہندہ سے نکاح کرنا چاہتا ہے تو کیا زید ہندہ سے نکاح کر سکتا ہے قرآن و حدیث کی روشنی میں جواب عنایت فرمائیں

 المستفتی سید اخلاق حسین شاہ امام مسجد سنی پونچھ جموں و کشمیر انڈیا

 
جواب

الجواب بعون الملك الوھاب اللهم ھدایۃ الحق والصواب

 وعليكم السلام ورحمۃ اللہ تعالیٰ وبرکاتہ 

 زید کا ہندہ سے نکاح کرنا حرام ہے کیونکہ زید نے ہندہ کی دادی کا دودھ پیا تو زید ہندہ کا رضاعی چچا ہوا اور چچا کا اپنی بھتیجی سے نکاح کرنا حرام ہے خواہ نسبی ہو یا رضاعی۔حدیث پاک میں ہے کہ جو رشتہ نسب سے حرام ہوتا ہے وہ رضاعت سے بھی حرام ہوتا ہے

قال النبي صلى اللّٰه عليه وسلم في بنت حمزة لا تحل لي يحرم من الرضاعة ما يحرم من النسب هي بنت اخي من الرضاعة 

 
واللہ ورسولہ اعلم بالصواب