پڑاہوامال اٹھاناکیسا؟

وَعَنِ الْجَارُودِ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ضَالَّةُ الْمُسْلِمِ حَرَقُ النَّار


رَوَاهُ أَبُو دَاوُد

روایت ہے حضرت جارود سے فرماتے ہیں فرمایا رسول ﷲ صلی اللہ علیہ و سلم نے مسلمان کی گم شدہ چیز آگ کی چنگاری ہے.
یعنی جو مسلمان کی گمی چیز بدنیتی سے اٹھائے کہ مالک کو پہنچانے کاارادہ نہ ہو خیانت کی نیت ہو وہ دوزخی ہے اگرچہ ذمی کافر کا لقطہ بھی کھانا جائز نہیں مگر مسلمان کےلقطہ میں ڈبل عذاب ہے اس لیے خصوصیت سے اس کا ذکر ہوا


(مرآۃ المناجیح ج ٤ ص ٤٢٠)

 بزار ودارقطنی نے ابو ہریرہ رضی اللہ تعالٰی عنہ سے روایت کی ،کہ رسول اللہ صلی اللہ تعالٰی علیہ وسلم سے لقطہ کے متعلق سوال ہوا؟ ارشاد فرمایا: ’’لقطہ حلال نہیں اور جو شخص پڑا مال اٹھائے اُسکی ایک سال تک تشہیر کرے، اگر مالک آجائے تو اسے دیدے اور نہ آئے تو صدقہ کر دے

سنن الدارقطنی،ج۴،ص۲۱۵

 امام احمد و ابو داود و دارمی عیاض بن حمار رضی اللہ تعالٰی عنہ سے راوی،
کہ رسول اللہ صلی اللہ تعالٰی علیہ وسلم فرماتے ہیں : ’’جو شخص پڑی ہوئی چیز پائے تو ایکی ا دو عادل کو اُٹھاتے وقت گواہ کرلے اور اسے نہ چھپائے اور نہ غائب کرے پھر اگر مالک مل جائے تو اُسے دیدے، ورنہ اللہ (عزوجل) کا مال ہے، وہ جسکو چاہتا ہے دیتا ہے۔‘‘


 (’’سنن أبيداود‘‘،کتاب اللقطۃ،  باللقطۃ،الحدیث:۱۷۰۹،ج۲،ص۱۹۰۔)

 اس حدیث میں گواہ کرلینے کا حکم اس مصلحت سے ہے کہ جب لوگوں کے علم میں ہوگا تو اب اس کانفس یہ طمع نہیں کرسکتا کہ میں اِسے ہضم کر جاؤں اور مالک کو نہ دوں اور اگر اس کا اچانک انتقال ہو جائے یعنی ورثہ سے نہ کہہ سکا کہ یہ لقطہ ہے تو چونکہ لوگوں کو لقطہ ہونا معلوم ہے ترکہ میں شمار نہیں ہوگی اور یہ بھی فائدہ ہے کہ مالک اس سے یہ مطالبہ نہیں کرسکتا کہ یہ چیز اتنی ہی نہ تھی بلکہ اس سے زیادہ تھی۔

 خلاصہ صورت مسئولہ میں سائل تشہیر کرے پھر بھی مالک نہ ملے تو مسکین پر صدقہ کر دے اور اگر خود مسکین ہو تو اپنے صرف میں بھی لا سکتا ہے
لیکن اگر بعد میں مالک آئے اور مطالبہ کرے تو ضمان دینا پڑے گا

واللہ ورسولہ اعلم بالصواب

محمد ذیشان مصباحی