عورتوں کے سر سے جھڑنے والے بالوں کو بیچنا کیسا ہے؟

سوال

السلام علیکم ورحمۃ اللہ وبرکاتہ 

کیا فرماتے ہیں علمائے دین اس مسئلہ کے بارے میں کہ جو بال عورت کے سر سے جھڑ جاتے ہیں ان بالوں کو کچھ پیسوں کے عوض بیچنا درست ہے یا نہیں

 مع حوالہ جواب عنایت فرمائیں مہربانی ہوگی

 المستفتی:  زاہد رضا سلامی مرادآباد یوپی 

جواب

وعلیکم السلام ورحمۃ اللہ وبرکاتہ 

انسان کے بالوں کی خرید و فروخت کرنا ناجائز و گناہ ہے۔ چنانچہ علاّمہ شامی قدّس سرُّہُ السَّامی لکھتے ہیں

 
(وَشَعْرِ الاِنْسَانِ) وَلَا يَجُوْزُ الْاِنْتِفَاعُ بِهٖ 

یعنی:انسان کے بالوں کی بیع اور ان سے نفع حاصل کرنا ناجائز ہے۔ 

 اسی طرح بحرالرائق شرح کنزالدقائق میں ہے 

یعنی:انسان کے بالوں کی بیع اور ان سے نفع حاصل کرنا ناجائز ہے۔ 

 اور بہار شریعت میں ہے “انسان کے بال کی بیع درست نہیں اور انہیں کام میں لانا بھی جائز نہیں، مثلاً ان کی چوٹیاں بنا کر عورتیں استعمال کریں حرام ہے، حدیث میں اس پر لعنت فرمائی۔

 

واللہ ورسولہ اعلم بالصواب