سوتیلی ماں کی بہن سے نکاح کرنا کیسا ہے ؟

سوال

السلام علیکم ورحمۃ اللہ وبرکاتہ

 کیا فرماتے ہیں علماء کرام و مفتیان عظام اس مسئلہ کے بارے میں کہ ایک شخص ہے اس کی والدہ کا انتقال ہوا پھر اس کے باپ نے دوسری شادی کی پھر کچھ دنوں بعد اس نے باپ کی دوسری بیوی کی بہن سے شادی کی تو اس کے بارے میں کیا حکم ہے

 المستفتی محمد الطاف حسین قادری لکھیم پور کھیری

 
جواب

الجواب بعون الملك الوھاب اللهم ھدایۃ الحق والصواب

 وعليكم السلام ورحمۃ اللہ تعالیٰ وبرکاتہ

 صورت مستفسرہ میں باپ کی دوسری بیوی شخص مذکور کی سوتیلی ماں ہوئی اور سوتیلی ماں کی بہن محرمات میں سے نہیں ہے اس لئے اس سے نکاح کرنا حلال ہے

 اللہ تعالیٰ محرمات کا ذکر فرمانے کے بعد فرماتا ہے

 فتاویٰ شامی میں ہے کہ:” سوتیلی ماں کی ماں اور اس کی لڑکی حرام نہیں ہے”تو پھر سوتیلی ماں کی بہن بدرجۂ اولی حرام نہیں

 
ولا تحرم بنت زوجة الأم ولا أمه ولا أم زوجة الأب ولا بنتھا اھ 

 فتاویٰ رضویہ میں ہے کہ :علماء تصریح فرماتے ہیں کہ سوتیلی ماں کی ماں اور اس کی بیٹی اور اس کی بہن سب حلال ہیں 

 فتاویٰ رضویہ مترجم ج ١١ ص ٣١٢/مرکز اہلسنت برکات رضا

 
واللہ ورسولہ اعلم بالصواب