دو سگی بہنوں کو نکاح میں رکھنا کیسا ہے؟

سوال

الســـلام علیکم ورحمۃ اللہ وبرکاتہ 

 کیا فرماتے ہیں علماء کرام اس مسئلہ کے بارے میں کہ ایک مرد کے ساتھ دو بہنوں کا نکاح ہوسکتا ہے یا نہیں؟

 جواب عنایت فرمائیں 

 سائل :محمد انور خان علیمی  شراوستی 

جواب

الجواب بعون الملك الوھاب اللهم ھدایۃ الحق والصواب

 وعليكم السلام ورحمۃ اللہ و برکاتہ

 ایک مرد کا دو سگی بہنوں کو بیک وقت رکھنا سخت ناجائز و حرام ہے آیت محرمات میں ہے “و ان تجمعوا بین الاختین” یعنی حرام ہے جمع کرنا دو بہنوں کو ” 

 اور ایسا ہی فتاوی رضویہ ج:11/ص:425/ کتاب النکاح / باب المحرمات / مکتبہ دعوت اسلامی / 

میں ہے

اور فتاوی ھندیہ میں ہے کہ

 
(و أما الجمع بین ذوات الأرحام ) فانه لا یجمع بین أختین بنکاح ولا بوطء بملک یمین سواء کانتا أختین من النسب أو من الرضاع و ھکذا فی السراج الوھاج  

 
واللہ ورسولہ اعلم بالصواب