دس بیویوں کی کہانی سننا کیسا ہے؟

سوال

السلام علیکم ورحمۃ اللہ وبرکاتہ

 کیا فرماتے علمائے کرام و مفتیان عظام اس مسئلہ کے بارے میں کہ سید حبیبی یا دس بیویوں کی کہانی سنی جاتی ہے تو اس میں جو شیرینی ہوتی ہے لڈو تو وہ دس عورتوں کے علاوہ اور کوئی نہیں کھا سکتا
دریافت طلب امر یہ ہے کہ کیا میاں بیوی کے سوا کوئی اور نہیں کھا سکتا جیسے بچے یا کوئی اور؟   جواب عنایت فرمائیں مہربانی ہوگی 

 سائل چاند کاملین لکھیم پور کھیری

 
جواب

 اولا دس بیویوں یا سید حبیبی کی کہانی و حکایات سننا اور پڑھنا ہی جائز نہیں ہے کیونکہ اس طرح کی کہانیاں خرافات و جزافات پر مشتمل ہوتی ہیں یہ سب بے اصل و بے سند ہیں لہذا انکا پڑھنا و سننا کسی طرح بھی جائز وروا نہیں ہے ،

اب رہی فاتحہ کی شیرینی کی بات تو اس کو بلا کراہت ہر ایک کو کھانا کھلانا جائز و درست ہے خواہ میاں بیوی ہوں یا بچے ،
یہ کہنا کہ دس عورتوں کے علاوہ کوئی اور نہیں کھا سکتا یہ شریعت پر افتراء و اختراع ہے 

 اللہ پاک نے کلام پاک کے اندر ارشاد فرمایا ہے 

 اے ایمان والو :تم حرام نہ کرو ان چیزوں کو جو اللہ نے تمہارے لئے حلال کی ہیں

 حدیث شریف میں ہے 

 الحلال ما احل الله فی کتابه والحرام ما حرم الله فی کتابه وما سکت فھو مما عفا عنه 

 ترجمہ ۔حلال وہ یے جسے اللہ نے اپنی کتاب میں حلال کیا اور حرام وہ ہے جسے اللہ نے اپنی کتاب میں حرام کیا اور جس سے سکوت فرمایا تو وہ معاف ہے 

 

واللہ ورسولہ اعلم بالصواب