Urdu Sawalo Jawab اسلامی سوال و جواب/مصباحی مشن This site contains islamic information, taharat ke msail, namaz ka bayan, islami maloomat, Salat, Ramadan, hajj ka tarika, umra kaise karen, qrbani, etikaf, reading quran, tauba wa isteghfar, islamic names, sadqae fitr, nikah ka tarika, Hifze Namoose Risalat, اسلامی سوال و جواب، مصباحی مشن Islami sawalo jawab، misbahi mission
سوال
السلام علیکم رحمتہ اللہ وبرکاتہ
کیا فرماتے ہیں علماء کرام و مفتیان عظام اس مسئلہ کے بارے میں کہ تبریز و فیروز نام رکھنا درست ہے یا نہیں ؟
ایک عالم صاحب کا کہنا ہے کہ یہ نام رکھنا درست نہیں ہے
بحوالہ جواب عنایت فرمائیں
کیا فرماتے ہیں علماء کرام و مفتیان عظام اس مسئلہ کے بارے میں کہ تبریز و فیروز نام رکھنا درست ہے یا نہیں ؟
ایک عالم صاحب کا کہنا ہے کہ یہ نام رکھنا درست نہیں ہے
بحوالہ جواب عنایت فرمائیں
جواب
وعلیکم السلام ورحمۃاللہ وبرکاتہ
الجواب بعون الملك الوھاب
تبریز وفیروز نام رکھنا درست ہے۔کیونکہ تبریز وفیروز نام رکھنے کی شریعت مطہرہ میں کوئی ممانعت نہیں۔
فتاوی رضویہ شریف میں ہے
شرع شریف کا قاعدہ کلیہ یہ ہے کہ جس چیز کو خدا ورسول اچھا بتائیں وہ اچھی ہے اور جسے برافرمائیں وہ بری ہے اور جس سے سکوت فرمائیں یعنی شرع سے نہ اس کی خوبی نکلے نہ برائی وہ اباحت اصلیہ پر رہتی ہے کہ اس کے فعل وترك میں ثواب نہ عقاب،یہ قاعدہ ہمیشہ یاد رکھنے کا ہے کہ اکثر جگہ کام آئے گا
(فتاویٰ رضویہ مترجم ،ج: ٢٣ ص ٣٢٠)
نیز ان کے معانی میں بھی کوئی شرعی خرابی نہیں لہٰذا ان ناموں کے رکھنے کو منع نہ کرے گا مگر شریعت سے جاہل
جو عالم ایسا کہہ رہا ہے اس سے کہیں کہ وہ دلیل دے کہ شرع شریف میں کہاں منع لکھا ہے؟
واللہ ورسولہ اعلم بالصواب
محمد نعیم امجدی غفر لہ
شعبۂ تحقیق جامعہ امجدیہ گھوسی
