جوابـ

وعلیکم السلام ورحمۃ اللہ وبرکاتہ
 قربانی کا گوشت اپنی ذات کے لئے پیسے کے عوض بیچنا ناجائز ہے۔سب سے پہلے یہ سمجھ لیجئے کہ گوشت اپنی ذات کے لئے ایسی چیز کے عوض بیچنا نا جائز ہے جس کو ہلاک کر کے فائدہ اٹھایا جائے جیسے روپیہ، پیسہ اور روٹی وغیرہ
ہاں جس چیز کو باقی رکھتے ہوئے فائدہ اٹھایا جا سکے اس سے بچنا جائز ہے جیسے کتاب کہ اس کو باقی رکھتے ہوئے فائدہ اٹھایا جاتا ہے۔

  بہار شریعت ج 3 ح 15 قربانی کا بیان مسئلہ نمبر 27 میں ہے
 اگر قربانی کی کھال کو روپے کے عوض میں بیچا مگر اس لیے نہیں کہ اوس کو اپنی ذات پر یا بال بچوں پر صرف کرے گا بلکہ اس لیے کہ اوسے صدقہ کر دے گا تو جائز ہے۔
 جیسا کہ آج کل اکثر لوگ کھال مدارس دینیہ میں دیا کرتے ہیں اور بعض مرتبہ وہاں کھال بھیجنے میں دقت ہوتی ہے اوسے بیچ کر روپیہ بھیج دیتے ہیں یا کئی شخصوں کو دینا ہوتا ہے اوسے بیچ کر دام ان فقرا پر تقسیم کر دیتے ہیں یہ بیع جائز ہے اس میں حرج نہیں اور حدیث میں جو اس کے بیچنے کی ممانعت آئی ہے اس سے مراد اپنے لیے بیچنا ہے۔