پلاسٹک کی ٹوپی لگا کر نماز پڑھنا کیسا ہے ؟

سوال

السلام علیکم و رحمۃ اللہ و برکاتہ

 کیا فرماتے ہیں علماء دین و مفتیان شرع متین اس مسئلہ کے بارے میں کہ پلاسٹک کی ٹوپی پہن نماز پڑھنا کیسا ہے 

 قرآن و حدیث کی روشنی میں جواب عنایت فرمائیں مہربانی ہوگی

 المستفتی محمد سرفراز احمد مراد آباد یوپی 

جواب

الجواب بعون الملك الوھاب اللھم ھدایۃ الحق والصواب 

 ایسا لباس پہن کر نماز پڑھنا مکروہ تنزیہی ہے جسے پہن کر کوئی شخص معزز لوگوں کے سامنے جانا گوارہ نہیں کرتا بلکہ اس کو باعث عیب و عار سمجھتا ہے

 درمختار و ردالمختار میں ہے 

یعنی مکروہ ہے اس کی نماز ایسے کپڑوں میں جس کو گھر میں اور کام کاج کیلئے پہنتا ہے

 
قال فی البحر و فسرھا فی شرح الوقایة بما یلبسه فی بیته ولا یذھب به إلی الأکابر و الظاہر أن الکراهة تنزیه اھ

یعنی بحر میں ہے اور اس کی وضاحت شرح وقایہ میں ہے یعنی جو لباس گھر میں پہنتا ہے اور ایسا لباس پہن کر معززین کے پاس نہیں جاتا اور ظاہر ہے کہ کراہت تنزیہی ہے

 پلاسٹک کی ٹوپیاں جو مسجد میں رکھی رہتی ہیں اسے پہن کر کوئی شخص مسجد سے باہر نکلنا معزز لوگوں کے سامنے جانا گوارہ نہیں کرتا ہے لہذا اسے پہن کر نماز پڑھنا بھی مکروہ تنزیہی ہوگا 

 

واللہ ورسولہ اعلم بالصواب