کندھوں سے چادر اوڑھ کر نماز پڑھنا کیسا ہے ؟

سوال

السلام علیکم و رحمۃ اللہ و برکاتہ 

 میرا سوال ہے کہ اگر کوئی شخص چادر کو اوڑھ کر بغیر سر ڈھانکے نماز پڑھے تو اس صورت میں نماز ہوگی یا نہیں

 جواب حوالے کے ساتھ ارسال فرمائیں مہر بانی ہوگی

 سائلہ :ندا فاطمہ 

 

جواب

وعلیکم السلام و رحمۃ اللہ و برکاتہ

کندھوں سے چادر اوڑھ کر نماز ہو جائے گی لیکن سنت یہ ہے کہ چادر سر سے اوڑھی جائے
چادر کو سر سے اوڑھنا سنت ہے اور کندھوں سے اوڑھنا خلاف سنت ہے 

 صدر الشریعہ بدر الطریقہ مفتی محمد امجد علی اعظمی علیہ الرحمہ فرماتے ہیں
چادر اوڑھنے میں بہتر یہ ہے کہ سر سے اوڑھے اس طرح سے اوڑھنا مطابق سنت ہے اور کندھے سے اگر اوڑھی نماز جب بھی ہو جائے گی نماز میں کراہت نہیں

 فقیہ ملت مفتی محمد جلال الدین امجدی علیہ الرحمہ فرماتے ہیں
چادر سر سے اوڑھ کر نماز پڑھنا سنت ہے. کندھے سے اوڑھ کر نماز پڑھنا خلاف سنت ہے. 

فتاویٰ امجدیہ میں ” کراہت نہیں ” سے مراد کراہت تحریمی نہیں

 

واللہ ورسولہ اعلم بالصواب