پہلی رکعت میں سورہ اخلاص اور دوسری میں سورہ فلق پڑھنا کیسا ہے؟

سوال

السلام علیکم و رحمۃ اللہ و برکاتہ

 بعد سلام علمائے کرام کی بارگاہ میں عرض ہے کہ
پہلی رکعت میں قل ھو اللہ شریف اور دوسری میں قل اعوذ برب الفلق پڑھیں کیا یہ درست ہے جواب عنایت فرمائیں بہت مہربانی ہوگی

 المستفتی محمد شیردین قادری متھرا 

 وعليكم السلام ورحمۃ اللہ تعالیٰ وبرکاتہ

 ایسا کرنا مکروہ تنزیہی ہے کیوں کہ قرأت کا اصح طریقہ یہ ہے کہ فرض کی پہلی رکعت کو بعد والی سے لمبا کرے

 جیسا کہ نورالایضاح میں ہے

 
(یکرہ للمصلی فی الصلوٰة)اطالة الرکعةالاولیٰ فی التطوع و تطویل الثانیة علی الاولیٰ فی جمیع الصلوات

(نورالایضاح صفحہ ٩١) 

 اور در مختار میں ہے

 
وإطالة الثانية على الاولى يكره تنزيها إجماعا إن بثلاث آيات إن تقاربت طولا وقصرا، وإلا اعتبر الحروف والكلمات، واعتبر الحلبی فحش الطول لا عدد الآيات واستثنى فی البحر ما وردت به السنة، واستظهر فی النفل عدم الكراهة مطلقا وإن بأقل لا يكره

(در مختار جلد ١ صفحہ ٨٠)