والدین کو اونچی آواز میں نماز کا حکم دینا کیسا ہے؟

سوال

السلام علیکم ورحمۃ اللہ و برکاتہ 

 کیا فرماتے ہیں علمائے کرام ومفتیان عظام اس مسئلہ کے بارے میں کہ والدین کو نماز کے لیے اونچی آواز میں بولنا عندالشرع کیسا ہے 

 قرآن و حدیث کی روشنی میں جواب عنایت فرمائیں مہربانی ہوگی

 سائل :شیر علی نعمانی جنداہا ویشالی

 

جواب

وعلیکم السلام ورحمۃ اللہ وبرکاتہ

 بسم اللہ الرحمٰن الرحیم: نماز یا کسی اور کار خیر کے لئے پیار اور محبت سے بلانا چاہئے ارشاد باری تعالیٰ ہے ” ادع إلی سبیل ربك بالحکمة والموعظة الحسنة” اونچی آواز میں کسی سے نہیں بولنا چاہیے چہ جائیکہ ماں باپ ان کے بارے میں تو صراحتا ارشاد باری تعالیٰ ہے ” فلا تقل لھما اف ولا تنھر ھما وقل لھما قولا کریما
تو ان سے اُف تک نہ کہنا اور انہیں نہ جھڑکنا اور ان سے خوبصورت ، نرم بات کہنا (سورۃ بنی اسرائیل ١٥ /٢٣)

لہذا ماں باپ سے ایسے بولنا چاہیے جیسے غلام آقا سے بولتا ہے بلند آواز میں بولنا جس سے ان کی دل شکنی ہو ناجائز ہے

 

واللہ ورسولہ اعلم بالصواب