فاسق معلن نماز جنازہ پڑھا دے تو کیا حکم ہے؟

سوال

السلام علیکم ورحمۃ اللہ و برکاتہ

 علماء کرام مفتیان عظام کی بارگاہ میں سوال ہے کہ اگر فاسق معلن نے نماز جنازہ پڑھا دی تو نماز جنازہ ہوگئی یا نہیں اگر نہیں ہوئی تو کیا دوبارہ پڑھنا ہوگی بحوالہ جواب دیں مہربانی ہوگی 

ساٸل ناظر حسین رضوی انڈیا یوپی امروہہ

وعلیکم السلام ورحمۃ اللہ وبرکاتہ 

 فاسق معلن کی خود کی نماز ہو جاتی ہے البتہ اس کے پیچھے دوسروں کی نماز مکروہ تحریمی واجب الاعادہ ہوتی ہے. اور نماز جنازہ فرض کفایہ ہے اگر ایک شخص پڑھ لے تو فرض ادا ہو جائے گا لہٰذا اگر فاسق معلن جنازہ کی نماز پڑھا دی تو فرض ادا ہو جائے گا اعادہ کی حاجت نہیں

 اعلی حضرت امام احمد رضا خان محدث بریلوی رحمۃ اللہ علیہ فرماتے ہیں: نمازِ جنازہ میں اسے امام کرنا اور بھی زیادہ معیوب کہ یہ نماز بغرض دُعا و شفاعت ہے اور فاسق کو شفاعت کے لئے مقدم کرناحماقت ،تاہم اگر پڑھا ئے گا تو جوازِ نماز وسقوط فرض میں کلام نہیں

 

واللہ ورسولہ اعلم بالصواب