سوتیلے بیٹے کی بیوی سے نکاح جائز ہے کہ نہیں؟

سوال

السلام علیکم ورحمۃ اللہ وبرکاتہ

 کیا فرماتے ہیں علمائے دین اس مسئلہ کے بارے میں کہ سوتیلے بیٹے کی بیوی سے نکاح جائز ہے یا نہیں 

مدلل جواب عنایت فرمائیں نوازش ہوگی 

 سائل سلیم رضا رامپور یوپی

 
جواب

الجواب بعون الملك الوھاب اللھم ھدایۃ الحق والصواب

 وعليكم السلام ورحمۃ اللہ و برکاتہ

 سوتیلا بیٹا اگر اپنی بیوی کو طلاق دے دے یا فوت ہو جائے تو بعد عدت اس کی زوجہ سے نکاح کرنا جائز ہے کہ وہ محرمات میں سے نہیں ہے

 ارشاد باری تعالیٰ ہے:و حلائل أبنائکم الذین من أصلابکم
کہ تمھارے صلبی بیٹوں کی بیویاں تم پر حرام ہیں. 

 اور سوتیلا بیٹا صلبی نہیں ہوتا اس لئے اس کی زوجہ محرمات میں سے نہیں

اور محرمات کے ذکر کے بعد ارشاد فرماتا ہے.
واحل لکم ما وراء ذالکم. کہ محرمات کے علاوہ تمھارے لئے سب حلال ہیں.