رضاعی بہن سے نکاح ہو سکتا ہے یا نہیں؟

سوال

السلام علیکم ورحمۃ اللہ وبرکاتہ

 زید کی بہن ہندہ، ہندہ کا لڑکا خالد
زید کی بیٹی شمبنم جس نے ہندہ یعنی اپنی پُھوپھی کا دودھ پیا ہے دریافت طلب امر یہ ہے کہ شبنم اور خالد کا نکاح ہو سکتا ہے یا نہیں ؟ 

حوالہ کے ساتھ جواب عنایت فرمائیں

 سائل: ساجد رضا صدیقی 

جواب

الجواب بعون الملك الوھاب اللھم ھدایۃ الحق والصواب

 وعلیکم السلام ورحمۃ اللہ و برکاتہ 

صورت مستفسرہ میں خالد اور شبنم کا نکاح نہیں ہو سکتا کیونکہ شبنم خالد کی رضاعی بہن ہے اور جس طرح حقیقی بہن سے نکاح کرنا حرام قطعی ہے اسی طرح رضاعی بہن سے نکاح کرنا بھی حرام قطعی ہے

 ارشاد باری تعالیٰ ہے 

حرام ہوئیں تم پر تمہاری مائیں اور بیٹیاں اور بہنیں اور پھوپھیاں اور خالائیں اور بھتیجیاں اور بھانجیاں اور تمہاری مائیں جنہوں نے دودھ پلایا اور دودھ کی بہنیں

 (سورۃ النساء الآیۃ ٢٣) 

 حدیث شریف میں ہے 

رسول اللہ صلی اللہ تعالی علیہ وسلم ارشاد فرماتے ہیں

 

یحرم من الرضاعۃ مایحرم من النسب 

جو کچھ نسب سے حرام ہے وہ دودھ سے بھی حرام ہے،

(اس کو ائمہ کرام،احمد،بخاری،مسلم،ابوادؤد اور ابن ماجہ نے حضرت ام المومنین عائشہ صدیقہ رضی الله تعالٰی عنہا سے اور امام احمد،مسلم،نسائی اور ابن ماجہ نے ابن عباس رضی الله تعالٰی عنہم سے روایت کیا.

 در مختار میں ہے 

یعنی ہر مرد وعورت پر اس کے ماں باپ،دادا دادی،نانا نانی،بیٹا بیٹی،پوتاپوتی،نواسا، نواسی،بھتیجا بھتیجی،بہن اور بھائی کے بیٹا بیٹی خواہ یہ رشتے نسب سے ہوں یا دودھ سے،حرام ہیں۔

 ” الفتاوی الھندیہ” المعروف بہ ” فتاویٰ عالمگیری” میں ہے 

 

واللہ ورسولہ اعلم بالصواب