محمد نبی، احمد نبی،محمد رسول نام رکھنا کیسا ہے ؟

سوال

السلام علیکم ورحمۃ اللہ و برکاتہ 

 محمد نبی نام رکھنا کیسا ہے؟ 

 سائل علی حیدر پاکستان

 
جواب

 وعليكم السلام ورحمۃ اللہ و برکاتہ

 محمد نبی،احمد نبی ، محمد رسول نام رکھنا ناجائز ہے

 فقیہ اعظم ہند صدر الشریعہ علیہ الرحمہ فرماتے ہیں :محمد نبی، احمد نبی، محمد رسول، احمد رسول، نبی الزمان نام رکھنا بھی ناجائز ہے، بلکہ بعض کا نام نبی ﷲ بھی سنا گیا ہے، غیر نبی کو نبی کہنا ہر گز ہرگز جائزنہیں ہوسکتا۔

 تنبیہ:اگر کوئی یہ کہے کہ ناموں میں اصلی معنی کا لحاظ نہیں ہوتا، بلکہ یہاں تو یہ شخص مراد ہے اس کا جواب یہ ہے کہ اگر ایسا ہوتا تو شیطان ابلیس وغیرہ اس قسم کے ناموں سے لوگ گریز نہ کرتے اور ناموں میں اچھے اور برے ناموں کی دو قسمیں نہ ہوتیں اور حدیث میں نہ فرمایا جاتا کہ اچھے نام رکھو، نیز حضور اقدس صلی اللّٰہ تعالٰی علیہ وسلَّم نے برے ناموں کو بدلا نہ ہوتا کہ جب اس اصلی معنی کا بالکل لحاظ نہیں تو بدلنے کی کیا وجہ

 
واللہ ورسولہ اعلم بالصواب