قبل اذان واقامت درود شریف پڑھنا کیسا ہے؟

سوال

السلام علیکم ورحمۃ اللہ وبرکاتہ 

کیا فرماتے ہیں علماء کرام اس مسئلہ کے بارے میں کہ قبل اذان و اقامت درود شریف پڑھ سکتے ہیں یا نہیں بحوالہ جواب عنایت فرمائیں 

السائل محمد صفی اللہ برکاتی، چھتر پور

 
جواب

الجواب بعون الملك الوھاب اللهم ھدایۃ الحق والصواب

 وعليكم السلام ورحمۃ اللہ تعالیٰ وبرکاتہ 

قبل اذان و اقامت درود شریف پڑھنا مستحسن ہے اس میں کوئی حرج نہیں۔ قرآن و حدیث میں اس کا حکم مطلق ہے تو اسے اپنی طرف سے مقید نہیں کیا جا سکتا، البتہ درود شریف پڑھنے کے بعد قدرے ٹھہر جائے پھر اذان و اقامت کہے تاکہ دونوں کے درمیان کچھ فصل ہو جائے یا درود شریف کی آواز اذان و اقامت کی آواز سے پست رہے تاکہ امتیاز رہے۔ علمائے کرام کثرھم اللہ تعالیٰ نے اقامت اور اس قسم کے دوسرے مواقع میں درود شریف پڑھنے کو مستحب قرار دیا ہے جیساکہ ردالمحتار ،جلد۱ ص۵۱۸ میں ہے 

 مجدد اعظم امام احمد رضا رضی اللہ عنہٗ تحریر فرماتے ہیں: کہ درود شریف قبل اقامت پڑھنے میں حرج نہیں۔ مگر اقامت سے فصل چاہیے یا درود شریف کی آواز اقامت کی آواز سے سے ایسی جدا ہو کہ امتیاز رہے

 
واللہ ورسولہ اعلم بالصواب