بغیر وضو کے نماز جنازہ ہوگی یا نہیں؟

سوال

السلام علیکم و رحمۃ اللہ و برکاتہ 

 کیا فرماتے ہیں علمائے کرام اس مسئلہ کے بارے میں کہ بغیر وضو کے جنازہ کی نماز ہو جائے گی یا نہیں ؟

 حوالہ کے ساتھ جواب عنایت فرمائیں مہربانی ہوگی 

سائل : محمد انور خان علیمی پتہ: شراوستی یوپی

 
جواب

وعلیکم السلام و رحمۃ اللّٰہ و برکاتہ

 

 بغیر وضو کے نماز جنازہ نہیں ہوگی ، جس طرح اور نمازوں کیلئے طہارت شرط ہے، اسی طرح نماز جنازہ کیلئے بھی طہارت شرط ہے ، البتہ اگر جنازہ کے لئے جانا ہو اور وضو میں مشغول ہونے سے نماز جنازہ فوت ہونے کا اندیشہ ہو تو تیمم کرکے نماز جنازہ پڑھی جا سکتی ہے ، بشرطیکہ تیمم کرنے والا امام یا میت کا ولی نہ ہو ، کیونکہ ان دونوں کے لئے ہر صورت میں وضو کرنا ہی ضروری ہے

جیسا کہ

 کتاب المجموع شرح المهذب میں ہے

 
ذَكَرْنَا أَنَّ مَذْهَبَنَا أَنَّ صَلَاةَ الْجِنَازَةِ لَا تَصِحُّ إلَّا بِطَهَارَةٍ اھ

 الموسوعة الفقھیة میں ہے 

 فتاویٰ عالمگیری میں ہے

 
و یجوز التیمم اذا حضرته جنازۃ والولی غیرہ فخاف ان اشتغل بالطھارۃ ان تفوته الصلاۃ ولا یجوز للولی وھو الصحیح ھکذا فی الھدایۃ ” اھ

( فتاوی عالمگیری ج ١ ص ٣١ ) 

 در مختار مع رد المحتار میں ہے

  لان المناط :ای الذی تعلق به الحکم المذکور و ھو التیمم لخوف فوت الصلاۃ لا بعد عن الماء “اھ 

 بہار شریعت میں ہے کہ:نمازِ جنازہ میں دو طرح کی شرطیں ہیں ، ایک مصلّی کے متعلق دوسری میّت کے متعلق ، مصلّی کے لحاظ سے تو وہی شرطیں ہیں جو مطلق نماز کی ہیں یعنی مصلّی کا نجاست حکمیہ و حقیقیہ سے پاک ہونا ، نیز اس کے کپڑے اور جگہ کا پاک ہونا ۔ ستر عورت ۔ قبلہ کو مونھ ہونا ۔ نیت ، اس میں وقت شرط نہیں اور تکبیر تحریمہ رُکن ہے شرط نہیں 

 بہار شریعت ج ١ ح ٤ ص ٨٢٥ : نماز جنازہ کا بیان