کرائے پر لی ہوئی چیز کو آگے اضافی کرائے پر دینا کیسا ہے؟

سوال

السلام علیکم و رحمۃ اللہ وبرکاتہ

 کیا فرماتے ہیں علمائے دین و مفتیان شرع متین اس مسئلہ کے بارے میں کہ مسجد کی ایک دوکان زید کے پاس کرائے پر ہے زید مسجد کی انتظامیہ سے طے شدہ کرایہ وقت پر ادا کرتا ہے اب زید اضافی کرائے کے ساتھ بکر کو وہی دوکان دینا چاہتا ہے جبکہ زید مسجد کی انتظامیہ کو طے شدہ کرایا ہی ادا کرے گا باقی اضافی رقم اپنے پاس رکھے گا 

 دریافت طلب امر یہ ہے کہ زید کو اضافی رقم اپنے پاس رکھنا کیسا ہے
جواب عنایت فرمائیں مہربانی ہوگی

 المستفتی ڈاکٹر تنویر الحق شمسی
فیل خانہ پیلی بھیت

 

جواب

الجواب بعون الملک الوھاب اللهم ھدایۃ الحق والصواب

 وعليكم السلام ورحمۃ اللہ و برکاتہ

 زید کرایہ پر لی ہوئی دوکان بکر کو اصل کرایہ کے علاوہ اضافی کرائے کے ساتھ صرف دو صورتوں میں دے سکتا ہے ایک تو یہ کہ زید نے دوکان میں کچھ کام کروایا ہو مثلا پلاستر وغیرہ، دوسری یہ کہ کرائے کی جنس مختلف ہو مثلا زید نے روپئے کے عوض لی اور بکر کو درہم ودینار کے عوض دی
ورنہ اصل کرایہ کے علاوہ اضافی رقم زید کے لئے جائز نہ ہوگی اگر لی ہو تو اسے صدقہ کرے 

 در مختار میں ہے 

 بہارِ شریعت میں ہے: مستاجر نے مکان یا دکان کو کرایہ پر دے دیا، اگر اتنے ہی کرایہ پر دیا ہے جتنے میں خود لیا تھا یا کم پر جب تو خیر اور زائد پر دیا ہے تو جو کچھ زیادہ ہے اسے صدقہ کردے ہاں اگر مکان میں اصلاح کی ہو اسے ٹھیک ٹھاک کیا ہو تو زائد کا صدقہ کرنا ضرور نہیں یا کرایہ کی جنس بدل گئی مثلاً لیا تھا روپے پر دیا ہو اشرفی پر، اب بھی زیادتی جائز ہے

 
واللہ ورسولہ اعلم بالصواب