Urdu Sawalo Jawab اسلامی سوال و جواب/مصباحی مشن This site contains islamic information, taharat ke msail, namaz ka bayan, islami maloomat, Salat, Ramadan, hajj ka tarika, umra kaise karen, qrbani, etikaf, reading quran, tauba wa isteghfar, islamic names, sadqae fitr, nikah ka tarika, Hifze Namoose Risalat, اسلامی سوال و جواب، مصباحی مشن Islami sawalo jawab، misbahi mission
سوال
السلام علیکم ورحمۃ اللہ وبرکاتہ
کیا فرماتے ہیں علمائے کرام و مفتیان اسلام اس مسئلہ کے بارے میں کہ
زید کے گاؤں کا جو قبرستان ہے وہ بہت نیچا ہے جسکی وجہ سے بارش کا پانی جمع ہو جاتاہے تو کیا اس قبرستان میں پانچ یا چھ فٹ مٹی ڈال کر اس کو اونچا کیا جا سکتا ہے یا نہیں اور جو قبریں پہلے سے موجود ہیں تو مٹی ڈالنے کے بعد نشاندہی کے لئے پتھر وغیرہ لگا سکتے ہیں کہ نہیں
قرآن حدیث کی روشنی میں جواب عنایت فرماکر شکریہ کا موقع عطا فرمائیں
سائل: محمد اعجاز خان بہرائچی
جواب
وعلیکم السلام ورحمۃ اللہ وبرکاتہ
صورت مذکورہ میں قبرستان کی حفاظت کے لئے مٹی ڈال کر اونچا کرنا جائز ہے کہ اس میں مال وقف کی حفاظت کے ساتھ مسلمانوں کو حرج و مشقت سے بچانا بھی ہے ایسا ہی فتاوی علیمیہ جلد دوم ص نمبر 537 پر فتاوی رضویہ شریف کے حوالے سے مذکور ہے
نشاندہی کے لئے پتھر وغیرہ لگا سکتے ہیں اور اس پر لکھ بھی سکتے ہیں جبکہ ضرورت ہو کہ بغیر لگائے پتہ نہ چلیگا کہ قبر کہاں ہے
جیساکہ ابوداود شریف میں ہے
ان رسول اللہ صلی اللہ علیہ وسلم حمل حجرا فوضع عند راس عثمان بن مظعون
درمختار مع ردالمحتار جلد دوم ص نمبر 237 پر ہے
لا بأس بالکتابۃ ان احتیج الیہ
واللہ ورسولہ اعلم بالصواب
محمد نعیم امجدی علیمی اسماعیلی
