ڈی جے بجا کر کمایا ہوا پیسہ مسجد میں لگانا کیسا ہے؟

سوال

السلام علیکم ورحمۃ اللہ و برکاتہ

 کیا فرماتے ہیں علمائے کرام اس مسئلہ کے بارے میں کہ ایک شخص ڈی جے بجا کر پیسہ کماتا ہے تو کیا اس کا دیا ہوا پیسہ مسجد میں یا مسجد کے بیت الخلاء وغیرہ میں لگا سکتے ہیں؟

 سائل :محمد مسعود رضا بیگو سراۓ بہار

 
جواب

الجواب بعون الملك الوھاب اللهم ھدایۃ الحق والصواب

 وعليكم السلام ورحمۃ اللہ تعالیٰ وبرکاتہ

 اگر ڈی جے مجالس خیر میں بجاتا ہے تو اس کی اجرت جائز ہے بلا شبہ مسجد میں لگا سکتے ہیں اور اگر ناچ گانا وغیرہ میں بجاتا ہے تو اس کی اجرت ناجائز ہے مسجد میں یا مسجد کے بیت الخلاء میں لگانا جائز نہیں

 در مختار میں ہے

ولا تصح الإجارة لعسب التیس ولأجل المعاصى مثل الغناء والنوح و الملاهى 

 حدیث شریف میں ہے:

إن الله طیب لا یقبل إلا طیبا

 
واللہ ورسولہ اعلم بالصواب