قوالی جائز ہے یا ناجائز؟

سوال

السلام عليكم ورحمۃ اللہ وبرکاتہ 

 کیا فرماتے ہیں علماء کرام قوالی کے متعلق کہ جائز ہے یا ناجائز؟ 

 ساٸل محمد سلمان :دگریہ بدایوں شریف 

 

جواب

وعلیکم السلام و رحمۃ اللہ تعالیٰ و برکاتہ

طرح آج کل قوالیاں ہوتی ہیں کہ ان میں ڈھول، سارنگیاں ہوتی ہیں ایسی قوالیاں پڑھنا اور سننا اور ان میں چندہ دینا سب حرام ہے کیونکہ مزامیر لہو و لعب کی اقسام میں سے ہے اس لئے ناجائز و حرام ہے اور اس سب کو (قوالی مع مزامیر) کو بزرگوں کی طرف منسوب کرنا بہتان عظیم ہے 

 اعلیٰ حضرت امام احمد رضا خان علیہ رحمۃ الرحمٰن ایسی قوالی کے بارے میں فرماتے ہیں :ایسی قوالی حرام ہے حاضرین سب گنہگار ہیں اور ان سب کا گناہ ایسا کرنے والوں اور قوالوں پر ہے.

کسی کو قصدًا ہوس پرستی منظورہو تو اس کاعلاج کس کے پاس ہے کاش آدمی گناہ کرے اور گناہ جانے اقرار لائے اصرار سے باز آئے لیکن یہ تو اور بھی سخت ہے کہ ہوس بھی پالے اور الزام بھی ٹالے اپنے حرام کو حلال بنالے۔پھر اسی پربس نہیں بلکہ معاذ ﷲ اس کی تہمت محبوبان خدا برسلسلہ عالیہ چشت قدست اسرارہم کے سردھرتے ہیں نہ خدا سے خوف نہ بندوں سے شرم کرتے ہیں حالانکہ خود حضور محبوب الٰہی سیدی ومولائی نظام الحق والدّین سلطان الاولیاء رضی ﷲ تعالٰی عنہ وعنہم وعنابہم فوائد شریف میں فرماتے ہیں:

 گانے بجانے کے آلات کااستعمال کرنا حرام ہے۔ 

 مولانا فخرالدین زراوی خلیفہ حضور سیدنا محبوب الٰہی رضی ﷲ تعالٰی عنہما نے حضور کے زمانہ مبارك میں خود حضور کے حکم احکم سے مسئلہ سماع میں رسالہ کشف القناع عن اصول السماع تحریرفرمایا اس میں صاف ارشاد ہے کہ: 

 
اماسماع مشائخنا رضی ﷲ تعالٰی عنھم فبریئ عن ھذہ التھمۃ وھو مجرد صوت القوالب مع الاشعار المشعرۃ من کمال صنعۃ ﷲ تعالٰی۔

ہمارے مشائخ کرام رضی ﷲ تعالٰی عنہم کاسماع اس مزامیر کے بہتان سے بری ہے وہ صرف قوال کی آواز ہے ان اشعار کے ساتھ جو کمال صنعت

(کشف القناع عن اصول السماع)

 فقیہ ملت مفتی محمد جلال الدین امجدی علیہ الرحمہ فرماتے ہیں
خالی قوالی جائز ہے مزامیر حرام ہے حضرت سلطان المشائخ محبوب الہی رحمۃ اللہ علیہ فوائد الفؤاد شریف میں فرماتے ہیں مزامیر حرام است اور حضرت مخدوم شرف الملۃ والدین یحییٰ منیری قدس سرہ العزیز نے مزامیر کو زنا کے ساتھ شمار کیا ہے

 

واللہ ورسولہ اعلم بالصواب