قرب قیامت جانور انسانوں سے باتیں کریں گے؟

جواب
وعلیکم السلام ورحمة اللہ وبرکاتہ۔

حدیث شریف :قال رسول اللہ ﷺ

 
والذی نفسی بیدہ لاتقوم الساعة حتی تکلم السباع الانس وحتی تکلم الرجل عذبة سوطہ وشراک نعلہ ویخبرہ فخذہ بما احدث اھلہ بعدہ

مشکوة شریف باب علامات قیامت حدیث نمبر 5459۔

 ترجمہ
 رسول اللہ ﷺ نے فرمایا
اس کی قسم جس کے قبضۂ قدرت میں میری جان ہے کہ قیامت نہ آئے گی حتی کہ درندے انسانوں سے باتیں کریں گے اور حتی کہ آدمی سے اس کے کوزے کا پھندنا اور اس کے جوتے کا تسمہ باتیں کرے گا اور اس کی ران اسے وہ سب خبر دے گی جو اس کے گھر والوں نے اس کے پیچھے کیا

 اس حدیث کی شرح میں حکیم الامت مفتی احمد یار خان نعیمی علیہ الرحمہ فرماتے ہیں

 یعنی ہر قسم کے درندے خواہ چرندے ہوں جیسے شیر بھیڑیا وغیرہ یا پرندے ہوں جیسے باز ,شکرہ وغیرہ ہر قسم کے جانور انسان سے باتیں کریں گے انسان کی اس زبان میں جو اس کی مادری ہو
حدیث بالکل ظاہر پر ہے اس میں کسی تاویل کی ضرورت نہیں مومن وکافر ہر انسان سے باتیں کریں گے اولیاء اللہ سے تو آج بھی کلام کرتے ہیں بلکہ ان سے شجر وحجر کلام کرتے ہیں  (اور اس کی ران اسے سب خبر دے گی )
یعنی ایسی مشینیں ایجاد ہوجاویں گی جو انسانوں کے کام بلکہ کام کو کیچ کرلیا کریں گی ,وہ مشینیں دیواروں ,جوتوں ,کواڑوں میں فٹ ہوں گی اور اسے ہر بات بتائیں گی ۔
موجودہ سائنس نے ان چیزوں کو ممکن بلکہ قریب الوقوع بنا دیا ,درو دیواروں سے تو اب بھی آوازیں آرہی ہیں ۔

 مرآة المناجیح جلد ہفتم ص 202۔

واللہ ورسولہ اعلم بالصواب

محمد سجاد حیدر