جس کے پاس کھیت ہو اس پر قربانی واجب ہے کہ نہیں؟

سوال

السلام علیکم ورحمۃ اللہ و برکاتہ

 کیا فرماتے ہیں علماء کرام اس مسئلہ کے بارے میں کہ زید کے پاس دو بیگھہ زمین ہو جس کی قیمت لگ بھگ دس لاکھ روپیہ ہو مگر اس کے پاس کیش روپیہ نہ ہو جو نصاب تک پہنچتا ہو تو اس پر قربانی واجب ہے یا نہیں

 مدلل جواب عنایت فرمائیں 

 سائل محمد انور خان رضوی علیمی پتہ شراوستی یوپی

 
جواب

الجواب بعون الملك الوھاب اللهم ھدایۃ الحق والصواب

 وعليكم السلام ورحمۃ اللہ تعالیٰ وبرکاتہ

 صورت مستفسرہ میں کھیت کی قیمت نصاب کو پہونچ رہی ہے بلکہ نصاب سے کئی گنا زیادہ ہے اس لئے زید مالک نصاب ہے اس پر قربانی واجب ہے

 رد المحتار میں ہے 

 
بأن ملك مأتي درھما أو عرضا یساویھا غیر مسکنه و ثیاب اللبس أو متاع یحتاجه ألی أن یذبح الأضحیة ولو له عقار یستغله فقیل تلزم لو قیمته نصابا وقیل لو یدخل منه قوت سنة تلزم وقیل قوت شھر، فمتی فضل نصاب تلزمه

 
واللہ ورسولہ اعلم بالصواب