اگر اپنی نماز پڑھ لی اور جماعت قائم ہو گئی تو کیا کریں؟

سوال

السلام علیکم ورحمۃ اللہ و برکاتہ

 قابل قدر علمائے کرام آپ کی بارگاہ میں میرا سوال ہیکہ اگر کوئی شخص اکیلا نماز پڑھ لے پھر جماعت قائم ہو جائے تو کیا وہ شخص جماعت سے دوبارہ نماز پڑھے گا اگر پڑھے گا تو پھر کون کون سے وقت کی پڑھے گا اگر نہیں پڑھے گا تو کیا گنہگار ہوگا 

مجھے تفصیلی طور پر جواب عطا فرما دیں 

المستفتی محمد عتیق اللہ   

وعلیکم السلام ورحمۃ اللہ وبرکاتہ 

 جماعت سے نماز پڑھنا واجب ہے بلا عذر چھوڑنا گناہ ہے اگر بوجہ عذر کوئی شخص تنہا اپنی نماز پڑھ لے پھر جماعت قائم ہو تو وہ اقامت ہونے سے پہلے پہلے جا سکتا ہےاور اگر اقامت ہو جائے تو ظہر اور عشاء میں امام کے ساتھ نفل کی نیت سے شامل ہو جائے ان کے علاؤہ میں وہ مسجد سے چلا جائے

جیسا کہ بہار شریعت میں ہے “جس نے ظہر یا عشا کی نماز تنہا پڑھ لی ہو ،اسے مسجد سے چلے جانے کی ممانعت اُس وقت ہے کہ اقامت شروع ہوگئی ہو اقامت سے پہلے جا سکتا ہے اور جب اقامت شروع ہوگئی تو حکم ہے کہ جماعت میں بہ نیت نفل شریک ہوجائے اور مغرب و فجر و عصر میں اُسے حکم ہے کہ مسجد سے باہر چلا جائے جب کہ پڑھ لی ہو۔

 
واللہ ورسولہ اعلم بالصواب